Ajίellu mio, tu sî ‘nnu prejulizzu
quandu Carnelavaru s’abbicine,
se vestenu i quatrari tutti ‘e pizzu,
se ίnchjenu de genti ‘e cantine
e ppe lle strade sίenti struppellizzi,
strummenti, gridate e lliticate
ppecchί te fânu quatri ‘e tutt’ i pizzi
e ad ognunu cúntenu ‘e pedate.
‘U sacciu ca stu júornu a ttίe te piace,
l’aspίetti ccud’amure e ccuntentizza,
però se perde certe vote ‘a pace
quandu le piglie ad ancunu ‘a stizza.
Po’ l’atri júorni ‘i passi ccu ttristizza,
ppechί a stu paise nun c’è nnente;
‘a sira i guagliuni fânu ‘a pizza
e ttènenu ammolatu sempre ‘u dente.
Franco Pedatella
Aiello Calabro, 1995
Franco Pedatella 
Rispondi